Крофни печени

Потребно е:
300 мл јогурт,
200 мл вода,
1 свеж квасец,
100 гр путер
150 гр шекер,
4 јајца,
1 кг брашно.
Квасецот се става во млака вода со 1 лажица шекер и 1 лажица брашно и се чека да надојде.
Се меси тесто со наведените состојки и кога ќе нарасне тестото се сучи кора и се вадат крофни со чаша кои се редат во плех со хартија и се печат 15 -20 мин на 180 степени.
Додека се топли се премачкуваат со путер (да се растопи) и се валкаат во прав шекер.

Колач брз

Потребно е:
2 јајца,
1 шоља шекер,
1 шоља зејтин,
1 шоља млеко,
1 шоља гриз,
1 шоља брашно,
5 лажици мармелад,
1 пециво и 1 ванила.
Се пече на 200 степени околу 25 минути.

Колачи Визитарки

Потребно е:
1/2 кг брашно,
1 филџан гриз,
3 филџани сецкани ореви,
1 прашок за пециво,
1 ванила,
2 филџани шекер,
2 филџани масло,
3 филџани топла вода,
1/2 квасец и
1 лажица какао .
Се зема еден филџан од водата и му се додава квасец,1 лажица шекер и 1 лажица брашно и се остава да надојде.
Се мешаат сувите состојки (освен какаото) во вангла и се додаваат квасецот,2 филџани топла вода и 2 филџани масло и се замесува помеко тесто.
Се дели на два дела и во едниот се додава какаото,а во другиот1 лажица брашно.
Се прават две кори , се ставаат една врз друга и се расукуваат во една поголема правоаголна кора.
Се витка ролат,се сечат парчиња и се редат во подмачкана тепсија со пресечениот дел горе.
Се печат на 170 степени 20 минути.

Кифли

Потребно е:
1 кг брашно,
1 свеж квасец,
12 лажици зејтин,
1 јајце,
1 лажица сол,
1 лажица шекер,
сусам и путер.
Во пола чаша млако млеко се става 1 издробен свеж квасец,1 лажица шекер ,1 лажица брашно и се остава да надојде (да се наполни чашата).

За тоа време во вангла се просејува 1 кг брашно на кое се додава 1 лажица сол ,1 јајце и 12 лажици зејтин.
Кога ќе стаса квасецот се додава кај брашното ,а потоа се додава околу 1/2 кг млако млеко и се замесува средно тесто .За полесно месење кога ќе се формира топка од состојките се удира околу 50 пати ,се формира како топка и се покрива со куњска крпа па со кебенце  и се чека да нарасте двојно.
За тоа време се кршат 2 јајца од кои се вади 1 жолчка која се остава во шољичка и со која ќе се премачкаат кифлите пред печење,а во останатите јајца се додава дробено сирење со кое се филуваат кифлите.
Кога ќе надојде тестото се дели на околу 40 парчиња од кои се прават топчиња ,кои се расукуваат колку тацна и на кои се става по 1/2 лажица фил , се завиткуваат и се ставаат во тепсија подмачкана со зејтин или обложена со хартија за печење.
Се премачкуваат со жолчка , се попрскуваат со сусам и врз секоја се става по мало парче путер.
Се печат на 200 степени околу 20 минути.