Куглов со путер

200 гр омекнат путер,
200 гр шекер,
3 јајца,
300 гр брашно,
200 мл млеко,
1/2 прашок за пециво,
1 ванила,
30 гр какао и
 малку сол (прстохват)
Путерот се меша со шекерот со дрвена лажица.
Се додаваат јајцата а потоа брашното со прашокот за пециво.
Се дели смесата на два дела и во едниот се додава какаото.
Калапот се мачка со путер и брашно и се става по една лажица црна и бела смеса.
Се пече 40 мин на 180 степени.

Тостерки благи

1 маргарин кристал (или путер),
800 гр брашно (подобро остро),
4 јајца,
1 шоља шекер,
1,5  пециво и1 ванила.
Се топи маргаринот,се додаваат јајцата и се меша.
Потоа се додава шекер помешан со ванила и брашно помешано со пециво.
Се меси добро,се прават топчиња и се редат на тепсија.
На загреан тостер се печат по 5 и се ставаат во сад со хартија и капак , а потоа во кеса ( може да стојат подолго време).

Алва чоколадна

1 шоља од кафе вода,
2 шољи зејтин,
3 шољи шекер,
1 ванилин шекер.
Во сад овие состојки да провријат.
Потоа се додаваат 6 шољи брашно помешано со 1 шоља од кафе какао,
со постојано мешање да се изедначи смесата и да се свари брашното ( на пониска температура).
На крај се додава 100 гр суво грозје и 100 гр сецкани ореви.
Откако ќе се хомогенизираат состојките се става во четвртасто тавче,се натапкува со шпакла за торта и се порамнува.
Се лади на собна температура и се сече по желба.

Колач Мими

2 јајца,
200 гр шекер,
200 мл млеко,
200 мл масло,
200 гр мелени ореви,
200 гр гриз,
200 гр брашно,
2 рендани јаболка,
1 прашок за пециво,
1 ванила,
малку рум,
50 гр џем од кајсии,
50 гр чоколадо,
50 гр ореви сецкани,
Се меша и пече 30-35 мин во бр 32 на хартија за печење на 190 степени.
Топло се премачкува со мармелад.

Чоколаден прелив:
3-4 лажици вода,
1 лажица зејтин,
100 гр чоколадо и 1 лажица какао и
1 лажица шекер.
Над преливот може сецкани ореви.

Торта домашна и падобранци.

8 јајца(посебно белки),
8 лажици шекер со 1 ванилин шекер,
6 лажици брашно и
6 лажици мелени ореви.
Се пече на хартија во голем плех 15 мин на 200 степени.
Се превртува во истиот плех и се вади веднаш хартијата.
Се сече на три ленти кои се премачкуваат со фил и
 се редат една врз друга.
Фил:
Се матат 5 жолчки ,8 лажици шекер,1 пудинг од чоколада и 50 мл млеко.
Матениот материјал се додава во 300 мл врело млеко и се меша да се згусне.
Додека е топло се додава 100 гр чоколада за готвење и 150-200 гр мелени ореви и се меша.
Кога ќе се олади се додава 100 гр изматен путер и се меша.

Од останатите белки може да се прават падобранци.

5 белки мати тврдо и додај 200 гр шекер и 250 гр мелени ореви ,мешајќи полека со миксер.
Потоа се додаваат 3 лажици брашно и се меша со лажица.
Со лажиче се вадат пуслици и се редат на хартија за печење.
Се пече на 120 степени ,35 мин и се вадат.
Се лепат со фил направен од 4 лажици шекер,2 лажици млеко,2-3 штангли чоколада и  3 лажички путер кои се мешаат на тивок оган да се згуснат како еурокрем.

Баклава грчка

Потребно е 1,5 кори за баклава,
1 кг млеко (малку намали),
8 лажици шекер,1 пакетче гриз,
1 лажица какао,
1 пакетче суво грозје,
1 ванилин шекер,
кора од 1 лимон и ореви толчени по потреба.
Ова се вари малку додека се згусне добро.

По 3-4  кори ( секоја попрскана со зејтин) се делат на 5 дела (ленти).
На крајот од секоја лента се става по 1 лажица од филот и се виткаат како триаголници.

Од горе пак се прскаат со зејтин ( вкупно се троши скоро 1 литар зејтин) .
Шербет:
2,5 кг шекер ,1,5 литар вода и сок од лимон.
(Во врела вода се додава шекерот и врие 10 мин и се потураат ладните баклави со пола од шербетот а другата половина од шербетот врие уште 10 мин да се подзгусне , се додава лимоновиот сок и се потураат баклавите).

Колач со мармелад

5 јајца (посебно белки) се матат со
2 чаши шекер,1 чаша зејтин,
1 чаша млеко,3 чаши брашно ,
1 пециво,1 ванила.

Половина од смесата се пече  на 200 степени ,во тепсија бр 32 обложена со хартија за печење или подмачкана со зејтин и попрскана со брашно,околу 15 мин додека почне да се зацрвенува ,а потоа се вади тепсијата и се мачка со мармелад а од горе се става и другата половина од матениот материјал и се допекува .