Колач со овошје и потпечени белки

Материјал:

5 јајца,150 гр маргарин (или путер),5 лажици брашно,10 лажици шекер,1/2 пециво,5 лажици млеко,500 гр очистено овошје (јагоди,вишни,цреши,кајсии,малини,капини) и едно пакетче ванилин шекер.

Се матат жолчките со маргаринот и 5 лажици шекер,а потоа се додава брашно со прашок за пециво и млеко.

Се меша добро и се става во плех во загреана печка и се пече околу 15 мин на 180 степени.

Кога е печен од горе се реди овошје (може  смрзнато),а над него цврсто улупан снег од белките со 5 лажици шекер и еден ванилин и се запекува до 10 мин во печка.

Колач со крем

 Материјал:

6 белки,

150 гр шекер,

150 гр путер,

150 гр брашно,

150 гр мелени ореви.

 

6 белки се матат со 3 лажици шекер во цврст снег.

 Во друг сад се мати 150 гр маслац со 3 лажици шекер до светла пенаста маса,а потоа тука се додава 150 гр брашно (со сеење) и 150 гр мелени ореви  и 1/3 од снегот од белки мешајќи со миксер на најмала брзина.

Се исклучува миксерот и постепено се додаваат останатите белки мешајќи со шпатула ,да се изедначи .

Потоа се става во  подмачкана со путер тава (30x20) и се пече 15 мин на 180 степени.

Се попрскува со малку шербет или рум и се премачкува со крем.

Крем:

Во едно тенџере се мешаат 6 жолчки,6 лажици шекер,6 лажици брашно,2 кесички ванилин и 100 мл ладно млеко.

Во тоа се додава 600 мл врело млеко и се меша да се згусне.

Прелив:

3 лажици шекер,50 гр путер (или 3 лажици зејтин) ,6 лажици млеко и 100 гр чоколада се топат и се прелива преку кремот кога е оладен.

Колач со сушено овошје

3 јајца,

150 гр шекер,

1 ванила,

1 пециво,

1 шоља млеко,

1 шоља путер,

1 лажица цимет,

3 шољи брашно,

400 гр суво овошје( урми,смокви,суво грозје,ореви...)

може 100 гр чоколадо,

Се меша и пече на хартија на 180 степени околу пола саат.

 

Крем за торта

1/2 l млеко се става да зоврие.

4 жолчки се матат со 4 лажици шекер,4 лажици нишесте ( место нишесте може брашно) и малку ладно млеко.

Ова се додава во врелото млеко и се меша да се згусне,а пред крај се додаваат 2 лажици путер и 2 штангли чоколада и се меша да се изедначи.

Ако сакаме жолт крем не додаваме чоколада.

Баклава од Ирена

500 гр кори,

Материјал:

200 гр мелени ореви ,

100 гр  мелени лешници,

100 гр мелени бадеми,

4 лажици шекер,

 4 лажици гриз,

2 ванили,

125 гр путер,

125 ml зејтин,

сок и кора од 1/2 портокал,

Материјалот се меша. 

Путерот се топи со зејтинот.

Се прскаат по две кори и се става од филот ,а потоа се виткаат ролати.Се сече и се пече.Ако остане од путерот од  горе се потураат корите.

Се потура со топол шербет ладната баклава.

Шербет:

250 мл вода,400 гр шекер,1/2 сок и кора од портокал,1 ванила и 2 лажици мед.Шекерот зоврива со вода.

Чоколаден колач

540 мл јогурт,

300 гр брашно,

 300 гр шекер,

120 мл зејтин,

1 полна лажица какао

2 лажички сода бикарбона,

Се пече во подмачкан плех 20 минути на 200 степени.

Прелив:

150 гр путер или маргарин,

150-200 гр чоколадо,

120 гр шекер,

120 мл млеко .

Се топат состојките и се прелива колачот кога ќе се излади.

 

 

Колач со тиквица

 1шоља јогурт,

1/3 шоља зејтин,

1,5 шољи шекер,

1 ванила,

2 јајца,

2 шољи брашно,

1/2 шоља какао,

1/2 лажиче прашок за пециво,

1 лажиче сода бикарбона,

1/2 лажиче цимет.

Се матат јајцата, шекерот, јогуртот, зејтиноти ванилата.

Потоа се мешаат брашното,какаото,пецивото, содата бикарбона и циметот.

 Се додаваат на претходното и се мати (може и со миксер).

Се додаваат и 2 шољи рендани тиквици.

Се сипува во тавче (22x33) и се посипува со 100 гр сечкана чоколада.

Се пече 35 до 40 минути на 175 степени.

( Чепкалката со влажни ронки).

Пиварки

  6 филџани (од кафе) зејтин

3 филџани -/- пиво

1 пециво,2 ванили , кора од лимон и

брашно колку да се замеси помеко тесто.

Се расплескува малку од тестото на рака

се става оревче (или суво грозје,или рендано и упржено јаболко).

Се стегнува раката да стане топче и се реди во тепсија за печење

(од долу да биде страната што е лепена).

Се печат и се валкаат  во прав шекер.
Може место во прав шекер, да се валкаат во шербет ,а потоа во кокос.

 

Втора верзија:

 

4 шољи (од кафе -помали) бело вино ,

8 шољи зејтин,

2 пецива,

2 ванили,

1 кг брашно.

Се замесува тесто се сучи,се сече на квадрати ,на секој квадрат се става малку џем и јатка орев и се завиткува кифла,а место кифли може да се завртат краевите нагоре и да се притиснат и така да се стават во тепсија на хартија за печење.

Се печат на 160 степени околу 20 мин.